Ka NEEPCO Ltd, Umrangso da pyntip ko wa da ku biang ka um ha Khangdong Reservoir neidaw wa joor u slap ha kini ki sngi ha ka thaaiñ Meghalaya wei waroh ki 7 tylli ki Gate ka Khangdong Dam da wai ki nadooh ka 12 tarik uni u bnai.
Hanla kattæ leh ka um dang pteiñ ko wow ku wei da pynlait ya ka um cha ka Wah Kopli yow neh ka um katkam wa ye ka Dam u kyrchaan.
Kamtæ kiwa sah cha wah ka Khangdong Dam hap ki wow man kiwa husiar dei wym toh u lai cha rood ka wah yow lait u jia iwon iwon lada hap wow pynlait chooh chooh ka um.
Heiyatoh wa katwon wow pynlait um daw pyntip lyngba ki WhatsApp Group wa em ki bor chnong, bor District wa kiwi.
Neiliang u DC ka West Jaiñtia Hills leh da pyntip u cha u BDO ka Laskein C&RD Block wow man uwa da pynkhreh deiwa pyntip paidbah yow lait iwon iwon i jia wa sñiawsih.
Discussion about this post