theme-sticky-logo-alt
theme-logo-alt
Advertisement ad1
Advertisement ad1

Khang ki pulit Assam ya ki dkhot ka KSU wa RBYF wow lai pynman yalang ha Ummat Block-II

Advertisement ad1
Advertisement ad1

Ki dkhot ka Khasi Students Union waka Ri-Bhoi Youth Federation Eastern Border ynne ka sngi da chah khang luti ki ha ki pulit Assam katwa dang thmu ki wow lai pynman yalang ha ka chnong Ummat kawa em ha Block-II. Ya kini ki dkhot ki seiñbhalang ki pulit Assam da khang luti noh ya ki heipor wa poi ki ha chnong Jatalong khlem da e laad wow lai cha ka chnong Ummat. 

Ki dkhot yong kitai ki ar seiñ hapoh i yahkhmat u Phrangsngi Kylla, Finance Secretary ka RBYF seiñbei wa u Banjop Maring, President ka KSU Eastern Border Area wa ki spah ngut da thmu ki wow hiar cha ka chnong Ummat Blokc-II wow lai pynman yalang, wei ini i mih yong ki seiñbhalang man ko hadien i kam yong ka Karbi Students Association (KSA) ha ka yalang kawa man ha ka 5 tarik uni u bnai wa nadooh ka chnong Sabuda wa kiwi ki bynta wa dang haap ki hapoh ka Karbi Anlong, Assam.

Advertisement ad1

Hadien wa ki seiñbhalang da chah khang noh ki ha ki pulit, da em i yania wa joor bha hapyrdi kiwa yahkhmat yong kitai ki ar seiñ wa ki pulit ka Assam, wot hawa ki dkhot yong kitai ki seiñ da pynche ki wa ym leh ya iwon iwon i kaam huri hura, tangwa da lai du wow pynman yalang kawa chongsuk chongsaaiñ. 

Hadien i yania wa da neh kattu katni por da wanpoi leh ki pulit ka Ri-Bhoi wei hadien wa da yaklam sñiawthooh, da chah du ya kiwa yahkhmat yong kitai ki ar seiñ wow lait ki cha ka chnong Ummat. Neiliang kiwa yahkhmat seiñbhalang da kylli ki leh yei suki hi-eh kiwa mihkhmat hajrong i kam ka KAS ya ki chnong kiwa em ha ka thaaiñ.

Share this:
Previous

Beh ka JSM ya kiwa leh kam kiwa dai dawai ha Ladrymbai

Next

Pynku ka sorkar yei yarap su na ka MHIS ya kitu kiwa chitom na u COVID-19