theme-sticky-logo-alt
theme-logo-alt
Advertisement ad1

Beh ka JSM ya kiwa leh kam kiwa dai dawai ha Ladrymbai

Advertisement ad1
Advertisement ad1

Ynne ka sngi neiliang ka seiñ JSM Eastern Region hadien wa da yoo ko wa em ki 8 ngut kiwa wan na jylla Haryana da kawi ka kari Mini Bus kiwa da wan sah pyrchah ya ka aiñ, kiwa leh tre deiwa seh dara wow dai dawai ha Ladrymbai khlem ki kot ki sla ba biang.

Ini da pynphylla ko ya ka seiñ wa kammon kiwa pait ya ki Check Point ym ye ki wow pait hachwa wow psiah ki cha ka jylla yong i khlem ki kot ki sla wa biang wei khamtam wa kam kini ki por wa dang poor bha u khñiang khlam COVID-19.

Advertisement ad1

Kamtæ ka seiñ da beh smat ko ya ki wei da maham wa ym toh de wow sah wei wow dai ya ki dawai yong ki chapoh ka jylla yong i.

Ka seiñ ym eli ko ya kam kini kiwa poi wiar wei u pynkrehkaam ko da ka ILP yong ka hi khamtam wa ha kam kini ki sngi wa dang joor bha ka dawa wow pynyoh ILP ha ka jylla.

Ya ini wa da leh ynne da yahkhmat da u Organising Secretary u Shyning Shylla, u Wanchas Dhar Finance Secretary wa u Solanki Lyngdoh Asst. Finance Secretary.

Ka Wyrta na u President ka seiñ u Wellson R D Siangshai.

Share this:
Previous

Booddien ka EJNC yei dawa pynchna ya u sarok hapoh Elaka Sumer

Next

Khang ki pulit Assam ya ki dkhot ka KSU wa RBYF wow lai pynman yalang ha Ummat Block-II