Ynne i step heipor kamwa 6:30, ki tre thaw wa kiwa rep ha Lum Syrman, Shnongrim da thmu ki wow lai cha ka thaw pynman ya ka Public Hearing yong ka Shree Cement Limited yow pynsñiaw yei sur wa i hok yong ki.
Tangwa manda poi ha Laad Shnongrim, da chem wa da em ki bor pulit kiwa da yang chwa yow khang luti ya ki u lai cha ka Public Hearing heiwa da pyntip cha ki wym chah ya kiwa pyrchah wow lai cha katai ka yalang paidbah.
Kam ki tre thaw wa kiwa krep da ong ki wa daw chah ktah bait ki deiwa tih moochuni wei kwah ki wow pynsñiaw donhi yei hok yong ki, tangwa ym e laad ya ki wot hadien wa pynyoo leh ya ka hukum wa da yoh na u DC ka East Jaiñtia Hills District wa phah ya ki wei wow e laad ya ki kam ki tre thaw wow lai cha ka Public Hearing.
Hadien wym e laad ya ki, deiwa sñiawsih wa khroo da hap liwan khlem da yoh u chimbynta ha ka Public Hearing.
Kamtæ da beiñ ki yei leh ka sorkar wa ki bor pulit kiwa da pyndooh wei kyntait yei hok yong ki kam ki tre thaw wow pynsñiaw yeiwa kwah wa mut ki ha kani ka Public Hearing wei ini da man ko pyrchah ya ka yurim wa pynman ya ka Public Hearing khlem da chimbynta ki bru kiwa chah ktah.
Discussion about this post