Lai bait ka Public Hearing ka Shree Cement Ltd khlem yoh u wan kiwa pyrchah

Ynne ka sngi da pynman ya ka Public Hearing ka Shree Cement Limited kawa pynlai da ka MSPCB heiwa kani ka Hearing toh neibynta i thmu wow tih moochuni kani ka karkhana ha Lumsyrman, Moolasngi, Elaka Nongkhlieh, East Jaiñtia Hills.

U Yoofranky H Laloo uwa man u Environment Engineer da e u yei batai chwa wow sdang ka Public Hearing heiwa da khana u wa nyngkong da pynman ha ka 22 tarik u bnai May 2026 tangwa da pyndam ya ka neidaw wa mih i awri wei ynne ka 31 tarik u July da pynman biang ya ka.

Da khana u wa hanla em i kyrchaan næ i pyrchah ymye ka yung krehkaam ka MSPCB wow e i bichaar næ i rai wei ya i pynsñiaw ynne daw phah cha ka State Environment Impact Assessment Authority.

Ha ini i pynsñiaw paidbah da yoh leh yei batai heiyatoh wa i rukom pynkrehkaam yeini i tih moochuni wei kammon u ktah i ya ka mariang wei yeini da yoh i batai na ka S. Langshiang na ka Shree Cement Ltd.

U W. Sukhlain da yooluti u wa i kyrchaan u ya ka Shree Cement Ltd. toh neidaw wa kam u Secretary warim ka Elaka, toh wow wanrah ya ki kaam pynroi hapoh ka Elaka wei wow yoh khih yoh kreh ki khynroo ka Elaka kamjooh dei ngait skem wow yada ya ka mariang.

Related posts

Dawa ka JSM wow pynlait noh hapoh 24 kynta ya kiwa kitkaam ka JNC lym kamtæ daw pynman yakhih

July 31, 2026

Khang ki pulit wow lai chimbynta ki tre thaw wa kiwa rep ha ka Public Hearing ka Shree Cement

July 31, 2026

Neiliang u Nangiaid Pashiang, u Waheh Chnong ka Bamkhoosngi da kyrchaan u ya ka karkhana toh wa da kyrkhu ya ka Elaka wei kam kiwa rep ympoi ki kat chawa em kamtæ ka Elaka da rai ko wow kyrchaan ya ka.

U Pynpoibiang Dkhar uwa man u Waheh Chnong ka Tongseng Nongkhlieh da kyrchaan u ya i thmu ka karkhana wow tih moochuni neibynta i roi ka Elaka wa ka jylla hi waroh kawi khamtam kam heini i por wa dooh kreh ki khon ka Elaka.

U Secretary ka Elaka Nongkhlieh, u Fencing Bareh, da ong u wa kam ka sur u paidbah ka Elaka da rai ko wow kyrchaan tylli ya ka Shree Cement.

U Dolloi ka Elaka Nongkhlieh, u Na U Sukhlain da ong u wa ini toh katkam i kwah ki khon ka Elaka wow em kani ka karkhana deiwa kyrpaad ya ka wow kreh smat khnang wow yoh kamwa angnood ki.

Ha kani ka pynsñiaw paidbah ymem uwi wot leh wa pyrchah ya ini i thmu ka karkhana heiwa kiwa pyrchah da chah khang luti ki wow poi cha kani ka thaw.