Shillong: Hadien wa tkoh i rukom kreh ka chnat Cardiology ka thaw sumaar NEIGRHIMS hadooh wa dooh yei mynsien kawi ka bru neidaw wym biang ki tiar ki tar wa emkaam heipor wa sumaar ya kiwa chitom klongsnam, ynne ka sngi ka KSU Central Body hei yahkhmat u President u Lambokstarwell Marngar da hiar ko wow khang tala ya ka kamra krehkaam u Director kani ka thaw sumaar deiwa ong wa ym em thaw ya kiwa pynyap bru hapoh kani ka thaw sumaar.
Kiwa wan chah sumaar da chah ktah bha ki ha kini ki tayaw hadien wa mih i wym sñiawthooh yumut hapyrdi u khlieh ka chnat Cardiology wa u Director ka NEIGRHIMS.
Ka KSU da beiñ joor ko ya ini waroh deiwa ong wa u heh kani ka thaw sumaar toh u bahkhlieh u ya i dooh yei mynsien kiwa chah sumaar wei kamjooh leh ka sorkar kawa ym em chimkhia wow pynbait ya kani ka kaam yow pyntikna wa ki paidbah ym chitom ki.
Neiliang u GS ka KSU u D. Thabah da pyntip u wa ka seiñ da dep paan yachem ko wa u Director la ar sien tangwa ym bien u yachem wa ki.
Ya ka kamra wa chah khang tala da wan wai ya ka da ki Magistrate wa ki pulit.
Discussion about this post