Khang u DC yei chim bai psiah ha u sarok wa lai cha Kupli Orchid Resort

U DC ka West Jaiñtia Hills da pynmih hukum u hapoh ka Section 163 ka BNSS hadien wa tip wa ka Dorbar Chnong Priang da khrong bai psiah ko ha u sarok wa lai cha Kupli Orchid Resort kawa man kam ka thaw wa da pynkrehkaam da ka sorkar Meghalaya lyngba ka chnat Tourism.

Katkam ka bui (Report) wa da e da u BDO ka Laskein C&RD Block, da chem wa kiwa boon ki seiñ, ki bru samen, ki tre thaw da pynsñiaw ki wa deiwa em kani ka khyrdop khrong poisa ha u sarok wow lai cha ka Kupli Resort wa kiwi ki thaw wa em chajan, da pyndik bha ko ya kitu kiwa lai lyngba donhi na kani ka thaw yow poi cha ki thaw wa em chajan.

Related posts

Na 60 minit cha 10 minit chimpor deiwa wai ya ka yingkieñ thymme wa lai najrong ka wah Brahmaputra

February 14, 2026

Hap pynsangeh ya ka lieñsuiñ wa mut u hær na Kolkata cha Shillong hadien wa tieñ wa em Bomb

February 14, 2026

Neiliang u DC da ong u wa ini i khrong bai psiah man ko pyrchah ya ka aiñ wei ye i leh wow wanrah yei yakajia kamjooh iwa daw ktah yei suk i saaiñ.

Kamtæ da pynmih hukum wa da khang yei khrong bai psiah (Entry Fee) iwa man pyrchah ya ka aiñ ha u sarok wa lai cha Kupli Resort wa em ha chnong Priang ka West Jaiñtia Hills District.