Uwi u bru na Karnataka da mynsoo joor u hadien wa haap kamwa 40 ft na jrong nei tkut u tylle wa kdoh ha u Zipline ha i Resort ha Dandeli, Karnataka wei ya ini i jia da yoh u riñ da ka Camera.
Ini da jia i ha ka 3 tarik uni bnai ha Sterling River Resort, Dandeli wei ya uni u bru da tip kam u Kuber Surpur uwa na Vijayapura, wei da lai u cha ka Resort wa u payu yong oo, u Prashant.
U Kuber da mynsoo joor u nei kheiñ ki kti wa ki kjat.
Da kit chwa ya oo cha Dandeli Government Hospital neitæ won cha Vijayapura wei nei mynsoo joor da kit won ya oo cha Miraj.
Ki Doctor da ong ki wa u Kuber da hap sumaar oo boonsien ha ki kti wa ki kjat.
Neiliang u Manager ka Sterling River Resort da ong u wa da em ini i jia deiwa kyntait wa khalær ka Resort heiwa da ong u leh wa daw lai yachem u wa kiwa ha-yung u Kuber.
Discussion about this post