Jowai: Katkam wa pyntip ki pulit da ong wa ynnin i miet kawi ka kari Maru Car wa em No.ML04 B 8415 wa yah da u Jerly Shadap Passah (44) na Mynkrem Shangpung heipor wa wan ki na Sohkynphor cha Jowai da yatyrrah ko wa ka Mini Bus wa em No.ML04 4387 wa yah da u Rilang Phawa (61) na Wapung Skur.
Kani ka Mini Bus toh kawa wan na Jowai.
Ini i yatyrrah da jia i heipor wa kani ka Maruti Car manda poi ko ha 7th Mile ha i thaw wa dang chna ya ka Toll Plaza da ka NHAI da pynkylla ko ya ka liang wow lai ki kari ha sarok wei da lai ko na i liang wa bakla heiwa da tyrrah ko ya kani ka Mini Bus mar dei khmat.
Ha ini i jia u Jerly wa uwa yah ya ka kari Maruti Car, wa uwi wa emlang wa oo uwa tip kam u Tip Iakai (49) na Mynkrem Shangpung da mynsoo ki wei da pynkit noh ya ki cha Civil Hospital Ialong heiwa da khlaad noh ki pyn ha luti chwa wow poi kani ka thaw sumaar.
Discussion about this post