Ka Hynniewtrep Integrated Territorial Organization (HITO) West Jaiñtia Hills District hapoh i yahkhmat u President, u Wanbiang Pulang wa u Secretary u Cresene Ksoo hadein wa yoh ujor ki na ki paidbah da lai jngieh ki ya u rukom sumaar bru wei da chem chiboon i duna ha i liang waroh ha kani ka MCH wa em ha Panaliar, Jowai.
Neiliang ka seiñ da ujor noh ko cha ka yung krehkaam u District Medical and Health Officer, Jowai hajrong ini waroh heiwa da ong wa i rukom sumaar duna bha i ya ki khynnah wa thiah kjut ha kani ka thaw heiwa iwi i khynnah da khlaad noh i du nei khalær kiwa sumaar heiwa u pa wa ka bei ini i khynnah da kyrpaad ki wow rah lai e sumaar cha kiwi ki Hospital tangwa da suki hi’eh kiwa kreh ya ini i kyrpaad.
Kamtæ ka seiñ da ong ko wym chong-ngiah ko hajrong ini i jia khnang wow lait i wow jia neipor cheipor khamtam ha ki Hospital sorkar.
Chooh chooh da ong ko wa kam ka seiñ daw thooh ko hawa chem wow pynchitom ya kini kiwa kreh kiwa embynta ha ini i kaam wei daw ujor ko leh cha leh cha ka Montri i chait i khiah.
Ka seiñ da dawa ko leh wow khang chwa chipor ya ka MCH Jowai kat hadooh wa da biang iwa duna ha ka.
Discussion about this post