Jowai: Uwi u bru wa tip kam u Charles Lamare uwa 27 snem i rta da dooh u yei mynsien hadien wa chah dung u da ka tari ha ki bynta u tympong na tidiang.
Ini da jia i ynnin i miet ka 26 tarik ha Nangbah Ïawmusiang, West Jaiñtia Hills District.
Ka yutip na ki pulit da ong leh hadien wa chah dung u, da ieh ya oo harood sarok heiwa da chah ksih won u ha rdang ha ki damok ki wym tipmit.
Wow yoh yei sumaar da pynkit noh ya oo cha Civil Hospital Ialong tangwa neidaw wa mynsoo joor u da khlaad noh u wei hajrong ini neiliang ki pulit dang pynman ki ya i takit.
Discussion about this post