15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Syllaad kylla u Conrad ya u MLA ka Congress hajrong ki tamasa wa man hapoh jylla

0 Comments

Shillong: U Montri Rangbah ka jylla, u Conrad K Sangma da syllaad kylla u ya i pynbaad u MLA ka Congress, u Himalaya Shangpliang deiwa ong wa ka sorkar warim wa yahkhmat da ka Congress wa i thung ya ki Chairman næ kiwi won ki kaam boon ki ha i por wa synchaar ka Congress wei ym toh u kdaw kti ya ka sorkar wa katni.

Da ong u wa u MLA ka Congress toh u bichaar bniah u chwa wow klam u pynbaad u ya ka sorkar wa pynlut phut ya ka poisa kawa ym yahaap iyi iyi leh neibhah man ko ka kaamram yong ka sorkar wow thied ya ki kari neibynta ki sahep wei da leh ya ki kaam wa emkaam yow pynsmat u pyndep ya ki kaam ka sorkar.

Advertisement ad1

Da ong u wa i pynman ya ka NH7 da pynmyntoi ko ya ka jylla neibhah da booh i su kawa kheiñ dei yong sngi deiwa pyntip wa ka sorkar da pynku ko ya i su ini wa dep deiwa kheiñ yei boon bru wei da poi ka bai su hadooh T. 1 lak chi sngi.

Da ong u wa ka sorkar da chimkhia bha ko wow pynmih poisa na ki chnat waphær waphær deiwa phah wa toh u pynyoh tam hadooh 30 percent ka nong na ki dan bar ya kiwa jooh yoh waroh chi kattu.

Da pyntip u leh wa ka chnat Transport da ye ko u pynmih nong palat ya ka 30 percent hadooh katni kawa T.62 klur wei da ye ko leh wow palat chooh chooh.

Hei yatoh wow pynman ya ka Cherry Blossom Festival, neiliang u Conrad da ong u wa lyngba kani ka tamsa, ka sorkar da em ko ka yatoh wa jan wa ka sorkar ka ri Japan, wei i pynbaad u MLA ka Congress toh wym chynna jngai u wei tip u du wow pynbaad donhi.

Chooh chooh da syllaad u wa u MLA ka Congress ym em de yoosuk u ya kini ki syntu wei da pynbaad u ya ka sorkar hawa ka pynman ko ya kani ka tamasa, tangwa mylliñ u wa ya kani ka tamasa da sdang da ka sorkar warim wa yahkhmat da ka Congress.

 

Share this:
Previous

Tylli ki 59 MLA ya ka rai wa thymme wow tipmit noh ya ka Khasi wa Garo ha ka riti synchaar ka ri

Next

Khlaad uwi hadien wa chah dung da ka tari wei wow chah ksih ha ki damok wym tipmit

0 Comments

Leave a Reply