Ka Truck 16 chaka kawa em Number AS-01RC-0613 da kylla ko ynne ha u sarok NH-6 ha Umsning Bypass, wei ha ini wa jia uwa yah da khlaad u katwa uwa yarap ya oo da mynsoo u.
Uwa yah uwa da khlaad noh toh uwa em 23 snem i rta uwa tip pyrtuid kam u Dawni Dkhar uwa na Madur uwa da khlaad u pyn ha ini i thaw nei sahkut wei chah ban ha kani ka Truck katwa uwa yarap ya oo, u Ericson Swer uwa na Ummulong da mynsoo u.
Katkam wa pyntip ki pulit, kani ka Truck toh kawa kit jhep kawa wan thaaiñ Guwahati yow lai cha Jaiñtia Hills.
Neiliang ki pulit da chikmti noh ki yei metyap wei da lai booh cha Civil Hospital Nongpoh yow leh yeiwa emkaam, wei da pyntip leh cha kiwa ha-yung ha-sem yow wan ki wow chimkti katwa ya uwa mynsoo da kit cha Umsning CHC.
Yei thaw wa mut wow lai noh yeini i jhep ym pu tip tangwa da suba wa kylla ko toh neidaw wa yaknieh pass ya kawi won ka Truck.
Neiliang ki bor District da phah ki leh ya ka pooh chi-loom yow pynlang yeini i jhep.
Discussion about this post