Khlaad uwi u khynnah ha ki tyrrah kari hapoh ka jylla

Jowai: Katkam wa pyntip ki pulit, haka 13 tarik uni u bnai kawi ka kari Pick-up wa em ya u number ML-10B-8098 wa yah da u Kitborlan L Nonglait (25 snem) da tyrrah u ya uwi u khynnah wa 7 snem i rta hadooh wa khlaad u uwa tip kam u Medangiajop Hoojon na chnong Lawrynjam, West Khasi Hills. Ki pulit hadien wa pyndep ki ya iwa emkaam da e kti ki ya i metyap cha kiwa ha yung ha sem.

Haka 17 tarik won kawi ka kari kamai Tourist ka Tata Sumo wa em ya u number ML-05K-6009 wa yah da u Ramesh Kynsi da lai bakla ko naka liang wa bakla ka sarok ha Umsning By-pass, Ri-Bhoi wei da tyrrah ko wa kawi ka kari Maruti Alto wa em ya u number AS-06P-0147. Ha ini i jia uwa yah yaka kari Maruti Alto wa ki ar ngut wa em hapoh da mynsoo ki wei da kit ya ki cha Hospital.

Haka jooh biang ka sngi heipor 7:30 i miet kawi ka truck wa em ya u number AS-01EC-1564 da tyrrah ko wa kawi ka thuk thuk wa em ya u number AS-01DN-5598 wa yah da u Chandra Das ha Ladsharai, Ri-Bhoi wei ha ini i jia uwa yah wa uwa chong hadien ka thuk thuk da mynsoo ki.

Related posts

25 snem phah kset ka yung bichaar ka East Jaiñtia ya uwa slaitbor ya ka khynnah boonsien

September 17, 2026

Wan kawa na Chennai cha Asaam tangwa dooh noh yei mynsien deiwa chah dung ha u chan

September 14, 2026

Haka 16 tarik won heipor 12:15 i pyrdi sngi kawi ka thuk thuk wa em ya u number AS-01BA-8499 da tyrrah ko ya uwi u bru wa lai kjat uwa ym tipmit ha 15th Mile, Byrnihat (RB). Ya uwa chah tyrrah da kit cha GMC Hospital, Guwahati yow yoh yei sumaar.