Jowai : U ma Onward Nongtdu u nongsaiñ hima sima na ri-loom Jaiñtia da khlad u na pyrthai ha i step yong ka 7 tarik heipor 7:15. Da em u 78 snem i rta.
Da kha ya u ma Nongtdu ha ka 8 tarik u Naisan (May) 1938 ha Sutnga wei da lai puræ u ha Sutnga, Jowai wa ha Shillong.
Da jop u kam u MLA ha u snem 1978 na ka HSPDP wei nadooh u snem 1988 da yieñ u na ka Congress wei jooh man u leh kam u Cabinet Minister. Da jooh man u leh kma u President ka Meghalaya Pradesh Congress Committee.
Da man u kam u MP ka Rajya Sabha na Meghalaya ha u April yong u snem 1996.
Hei por yong oo da man u kam u Headmaster ka Sutnga Presbytery High School nadooh u snem 1966 hadooh u snem 1972. Da sdang u leh ya ka Dairy Cooperative Farming ha chnong Latyrke.
Da ieh u chadein ya le ngut ki khon kynthai, uwi u khon chynrang wa ki ksu wa boon.
Daw pyndep ya ka niam ka rukom wa khaddooh yong oo ha ka 10 tarik ha Loomtlep bru ka Balang Pynthorumkhrah, Shillong.
Discussion about this post