Jowai : Ynne ka sngi 16 tarik da yoh u sakhi wa da ki spah ngut kiwa chong chnong ka Mihmyntdu, West Jaiñtia Hill hapoh i yakhmat ka seiñ Meghalaya People United Front (MPUF) da hiar ki cha ka Office Thadlaskien Block wow dawa yei hok yong ki lyngba ka M.L.A. Scheme ya kawa da tip kam ka Special Rural Work Programme (SWRP).
Ini i lai ki paidbah toh hadien wa da mih da ki spah ngut ki briew kiwa da mih pyrtuid wow yoh ya kani ka Scheme tangwa manda yachem wa u B.D.O ka Thadlaskien Block da pyntip u wa u MLA ka 2-Jowai Assembly Constituency u Professor R.C Laloo da dep Recast iwa mut wa dadep sai wei da e u cha kiwi won kiwa toh u yoh yei hok yongki kam kiwa chong chnong ha West Jaiñtia Hills District weiwa i leh u MLA da pynlyngngoh ko yaka seiñ heiwa da kylli ko na u B.D.O. wa kammon u MLA ye u u leh katwa em yow tyniap yei hok u paidbah neibhah katkam wa jooh man chisien wada mang u MLA toh u e u.
Lada pyndam won u yei hok u paidbah toh u pynche næ pyntip chwa cha ki paidbah wa neiyi i daw pyndam u yaka scheme kawa toh du yong u snem 2012-2013. Katwa yaka scheme kawa thymme daw yaklam neibhah hadooh katni ympu em u pyllait u tang kawi wot leh ka scheme.
Kamtæ ka seiñ e por ko ya u MLA du kattu katni por wow pynuiñ u yei hok wa ki paidbah toh u yoh ki wei lym kamtæ ka seiñ daw ye ko u leh da ki kaam wa khor neibhah wa ka seiñ da em ko ki sabut wabiang wa u MLA da pynemkaam bakla u yei hok ki paidbah ka chnong Mihmyntdu wa kattu katni ki chnong hapoh ka 2 –Jowai Assembly Constituency da ong u President ka seiñ u Dawanpoimi Laloo.
Discussion about this post