15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Khlem akor kiwa kamai kari thut i lai i wan ki paidbah

0 Comments
Advertisement ad1
Advertisement ad1
Advertisement ad1

Jowai : Ha kini ki sngi da sdang chem wa em ki kari kamai khamtam ki Sumo da sdang ki u pynemkaam ya u sarok Dulong-College Road hadien wa mih ki naki thaw pynyieñ kari yongki ha Iawmusiang heijooh i por leh da pynkhynñia ki yaki sarok ka chnong Jowai deiwa yait ki ka, ka Iawmusiang.

Kamtæ ki pulit traffic ynne ka sngi da bood dien ki ya kini ki sumo ar tylli wei da pynsangeh yaki ha Dulong Poh-hali wei da chem leh kini ki ar tylli ki kari toh kiwa ym em rah kot rah sla. Ki arngut kiwa yah hei yaklam wa ki da ong ki wa em kot hi ki tangwa ym em rah ki ki neidaw waroh da kut por ki.

Advertisement ad1

Kini ki kari toh kawi wa lai cha Mukhaialong wa kawi cha Chamcham wei ong ki wa pynemkaam ki ya uni u sarok toh yow lait blok ki ha Iawmusiang wei mih won ki ha Mooralong.

Ya kini ki ar tylli ki sumo da kit cha Jowai Police Station heiwa da pyllait yaki hadien wa dep ki u su ya ki kuna wa T. 500 samen.

Ini i yah kari kamai kini ki driver khlem pynbiang yaki kot ki sla leh da pynchitom ki ya kiwa chong kari wa boon kiwa emlang wa khon khian wei da neh slem ki hapoh Police Station neidaw wa tieñ won ki driver u yachem waki pulit wei hadien wa psiah lang wa kiwa manbei wa dang bah khon te ye ki u pyndep u su ya iwa emkaam dep tæ yoh ki u liwan.

Share this:
Previous

Ka NPR waka Aadhaar katkam wa man ynne

Next

Khlad ka kong Pynjanai Pde