15 49.0138 8.38624 1 0 4000 1 https://wyrta.com 300 0
Advertisement ad1

Ka NPR waka Aadhaar katkam wa man ynne

0 Comments
Advertisement ad1

Jowai: Kam chibynta wow pynsñiawthooh yaki paidbah ya chaphang ka NPR kamjooh leh ya u Aadhaar Number ki bor District ka West Jaintia Hills da pynman ki da ka Awareness Programme hei yatoh waka Biometric Enrolment waka NPR.

Ha kani ka sngi da khut lang ya waroh ki Waheh Chnong ki Seiñbhalang kamjooh leh yaki paidbah cha ka yalang wa pynman ha District Library Mynthong, Jowai heiwa da em u J.R. Swer kam u bru chemphang wow batai bniah wei wow pynche paidbah ya ki mat wa artatein ki paidbah.

awareaadhar3

Hei pynche cha ki paidbah u ma Swer da ong u waka Meghalaya toh ka NPR State neidaw wa em pood ko waka ri Bangladesh deilang wa ka Manipur, Mizoram wa kiwa em chajan kiwi ki ri neibhah ha kini ki jylla toh joor bha i psiah tooh ki bar ri cha ki.

I thmu ka NPR kam cha kini ki jylla phær ko na kiwi ki jylla kam ka Karnataka, Kerela, wa kiwi kiwi neidaw wa tip ya ki kam ki UIDAI States neibhah ha kam kini ki jylla suk u pyntikna yaki tre chnong wei duna bha kiwa wan pynpsiah be-aiñ cha kini ki jylla.

Da ong u wa yaka First Phase yong ka NPR da leh nadooh u snem 2010 heipor wa leh ya ka Census wei wa yaki pyrtuid hi kiwa boon da dep thap hapoh ka NPR tangwa ya kiwa ym em mih pyrtuid ha ka Census ye biang u pyndap ya ka NPR Enrollment Form yow em pyrtuid ki hapoh ka NPR.

Kiwa thap pyrtuid ha ka NPR u pdiang du yaki tre ri India wa kiwa tip kam ki Usual Resident iwa mut ki bru wa biang ki kot ki sla hanlada man ki kiwa na bar ri wa wan kreh wan puræ hapoh ka ri India wei daw sah ki ha ijooh i thaw palat 6 bnai.

awareaadhar1

Hadien ini ye ki u leh sa ya ka Biometric Enrollment wa tip leh kamka Phase 2 yong ka NPR heiwa daw chim leh yaki Finger Print (i chon kti yong waroh ki 10 tylli paraim kti), i Pupil Scan (I chim yei dur ki pyllung khmat) wa i chondur.

Heini i por ye kiwa boon ki bru wa ym biang ki kot ki sla nadooh kiwa na Bangladesh kamjooh leh ya ki Nepali u psiah ha kani ka NPR tangwa ya ki pyrtuid yong waroh ki wa em ha kani ka NPR daw phah cha ka waroh ki block ki chnong yow pynsakhiat heiwa ki bor chnong kamjooh ki bor district u yohlaad biang ki u pynsakhiat wa toh næ ymtoh ki tre ri wei ya kiwa da kyntait daw pyndooh noh yei pyrtuid yong ki naka NPR wei heijooh ipor ym yohlaad ki u yoh ya u Aaadhar Number.

Sa iwi wa jooh kulmar bha ki paidbah toh wa ong wa waroh ye u paan ya uni u Aadhar Number kam ka nongmuna heini kiwa wan kreh chapoh ka ri India næ kiwa wan puræ kiwa biang ki kot ki sla ye ki u yoh ya u Aadhar tangwa neidaw wa man ki bar ri ym ye ki u yoh myntoi ha kiwa boon ki liang kam ka Ration Card, ki Gas Subsidy, ki Scholarship wa kiwi kiwi.

awareaadhar2

U Aadhaar Number man u leh kamka ID ya waroh kiwa chong wa sah hapoh ri India (kiwa biang ki kot ki sla) tangwa deiwa yoh ya u Aadhaar Number ym mut i wa toh ki man ki kam ki tre ri. Sa iwi i thmu hei yatoh wa u Aadhaar Number toh yow tip ka sorkar wa katwon ngut em ki bar ri hapoh ka ri wei daw hap mih ki leh na ka ri hadien wa da kut i por wa chah u sah ki hapoh ka ri.

Advertisement ad1

0 Comments

Leave a Reply