theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Khlem chah khut cha ka yalang ki ar Montri Rangbah ha Langpih: Bajop

Advertisement ad1

U MDC ka Rambrai-Jyrngam, u Bajop Pyngrope da phylla u wa ki bor District ka West Khasi Hills ym em u khut næ pyntip ki ya ki ar ngut kiwa mihkhmat hajrong i wan ki ar ngut ki Montri Rangbah ha Langpih, wei kini ki ar ngut kiwa mihkhmat toh ya oo kam u MDC wa ya u Kimfa S Marbaniang uwa man u MLA ka Rambrai-Jyrngam kawa man ka Constituency wa em ka Langpih.

Heijooh i por da e khublei u ya ki Montri Rangbah ki jylla, u Conrad K Sangma wa u Himanta Biswa Sarma hawa da lai ki cha Langpih dei thmu wow pynbait noh ya u pood u ang. Da ong u wa hanla ym em u chah khut u cha ka yalang tangwa kam uwa mihkhmat ka Constituency ryngkat i kitkhlieh wei uwa tip ya ki thaw da lai u ha kani ka sngi wei da yaklam u leh ya waroh ar ngut ki Montri Rangbah hajrong i long i man ka thaaiñ.

U MDC ka Congress da ong u wa ka sorkar da pyntip ko cha ka KHADC yeini i kaam, ya kawa da mihkhmat da u Jambor War uwa man leh u Executive Member wa pait ya ka Elaka, tangwa phylla wei sñiawsih leh wa ki bor District ym em u pynkhreh ki wot tang ya ka thaw chong neibynta u EM ka KHADC hajrong wym em u khut ya kiwa mihkhmat ka Constituency.

Ha iwi i liang da ong u wa i pynbait ya u pood toh u man i katkam u pood u ang ki Hima Khasi, neibhah wa ka KHADC leh em ko jar jiar u pood katkam ka Sixth Schedule wa ka Nongmynsaw Syiemshim toh kawi na ki Hima wa em hapoh ka KHADC.

Chooh chooh da ong u wa kulmar leh wow tip wa ya ka yalang ki Montri Rangbah da pynman ha i thaw wym em u thoh ha i ktien næ pyrtuid Khasi ‘Langpih’ heiwa da thoh pathan ‘Lumpi’, wei ini da pyndiaw i ya ki paidbah na kiwa chong chnong kiwa da rai ki wow em ha u pood ka KHADC yong ka jylla Meghalaya wei ym lai ki cha Assam.

Share this:
Previous

Lai hi-eh ki Montri Rangbah cha Langpih khlem lai pait ya ki thaw wa ya kajai pood: Kimfa

Next

Psiah Quarter Final ka Ratacherra, Umkiang SA waka Donaskur ha ka ‘Elaka Narpuh Football Tournament Champions 2021