theme-sticky-logo-alt
theme-logo-alt
Advertisement ad1
Advertisement ad1

Khlem da tip bniah pynbaad hi-eh ka AITC ya ka poisa ka Smart City: Prestone  

Advertisement ad1

U Symbood Montri Rangbah ka jylla, u Prestone Tynsong da ong u wa hachwa wow pynbaad ya ka sorkar, pynlut por chwa wow thooh bniah ya uiñkylla cha idæ. Ya ini i klam yong u Prestone toh hadien wa pynbaad ka All India Trinamool Congress (AITC) wa da pynemkaam bakla ya ka poisa yong ka Shillong Smart City Limited hadooh T. 1005 klur.

U Prestone da ong u wa i pynbaad yong ka AITC kawa da mih ha kawi ka kotkhubor pharæng toh iwa bakla wei kawa thmu wow pynsihdur ya ka sorkar jylla, wei da pynbaad khlem da thooh bniah.

Advertisement ad1
Advertisement ad1

Da khana u wa ka sorkar jylla da yoh ko ya ka poisa neibynta ka Smart City toh du T. 251 klur wei na kani ka bhah na ka jylla man ko T. 55 klur, katwa T. 196 klur toh ka bhah kawa na ka sorkar pyrdi.

U Symbood Montri Rangbah da ong u wa i pynbaad wa ka ka sorkar jylla da yoh ko hadooh T.1005 klur toh iwa bakla. Da ong chooh chooh u wa i pynbaad wa ka sorkar ym em e yukheiñ ko ya katai ka poisa toh iwa sakhiat neibhah i yukheiñ yudiah hap wow pynbiang katkam ki kyndon ka Registrar of Corporative Societies, wei katkam ki kyndon toh u pynbiang ya kani ka yukheiñ hadien wa da dep wow pynbait pynbiang wei hadien wa da mynjur da ka yung krehkaam u Comptroller and Auditor General (CAG).

Share this:
Previous

Chah biang ka sorkar wow pynemkaam da ki sboh dawai hadien wa hiar ka rep ka riang

Next

Da chah biang ka HC wow chalan ya u moochuni na jylla Meghalaya