Shillong: Hadien i chah beh ka wi ka manbei na Ganeshdas Hospital ha u bnai wa da dep neidaw wa ym biang ki tiar wow pynkha khon. Neiliang ka Public Account Committee kawa lai sylli ya kani ka hospital hadien i tai i jia, ynnin ka sngi da khut hajir biang ko ya kani ka chnat ka chait ka khiah yong ka jylla yow paan pynche wow tip hadooh katwon da ye u pynbait hadien iwa jia, tangwa neiliang ka Committee da pynsñiaw ki yei wym hun ya i jubab wa da yoh na kiwa pynlai ya katai ka Hospital.
U dkhot ka Committee, u HM Shangpliang da ong u wa katkam i jubab wa da yoh ka PAC ym hun hadooh katni ya i rukom krehkaam katai ka Hospital neibhah hadooh katni ym pu em ye ki pynbha næ u leh iyi iyi.
Da pyntip u wa katkam i jubab wa e da ka chnat da pynsñiaw wa ya ki tiar neibynta wow pynkha ya ki khonbo da pynbiang wei neh ki waroh 24 kynta, wei ini ym em pynhun ko ya ka Committee neibhah kiwi won ki emkaam kam ka NICU kawa toh u booh kyrpang neibynta ki khonbo ym pu em ye u booh neidaw wa ym em thaw.
Da pyntip u kiwa pynlai da pynsñiaw ki wa ya ini daw ye u booh hadien wa yoh ya ka Building wa thymme ka wow yoh u psiah ha u Kmaichonglad (Dec) uni u snem.
Discussion about this post