Khlem wa yaleh pyrchah ya ki 5 ngut ki kyrtong MLA ka BJP ha Arunachal Pradesh

Ka Election MLA ha jylla Arunachal Pradesh katkam wa pynbna ka Election Commission of India toh u man ko ha ka 19 tarik u bnai wow wan wei ka sngi khaddooh wow thap pyrtuid ki kyrtong toh ha ka 27 tarik uni u bnai.

Hadooh wa kut i por wow thap pyrtuid ynnin ka sngi, da em 5 ngut ki kyrtong ka BJP na ki 5 tylli ki Constituency ki wym em wa wan thap pyrtuid wow yakhun pyrchah ya ki. 

Kini kynthup ki u Montri Rangbah ka Arunachal Pradesh, u Pema Khandu na 3-Mukto (ST) Assembly Constituency, u Ratu Techi na 15-Sagalee Assembly Constituency, u Jekki Tako na 20-Tali Assembly Constituency, u Nyato Rukom na 23-Taliha Assembly Constituency wa u Mutchu Mithi na 43- Roing Assembly Constituency.

I lakha Vote neibynta ki 60 tylli ki Constituency hapoh kani ka jylla u man i ha ka 2 tarik u Naiynru uni u snem.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Neiliang u MP ka Arunachal, u Kiren Rijiju da ong u wa ini pynyoo ko yei mon wa em hapoh ka ri heiwa ka BJP da jop ko 5 ngut khlem em wa yaleh pyrchah.