U heh ka Congress uwa man leh kam uwa yahkhmat ka liang pyrchah u Dr. Mukul Sangma da kyntait u wow ong iyi iyi leh yei wym lai u cha ka yalang wow pdiang sñiawbha ya ki MLA warim ka Party wa kynthup ya u Robert G. Lyngdoh wa u PN Syiem kawa da pynman ha ka 16 tarik.
U Dr. Mukul da ong u, “Ini toh i kaam poh yung ka Party, u Dr. Mukul Sangma ym jooh khana ware u ya kam kini ki kaam wa ki lok na ki laad pathai khubor. Hap phi wow yaichah wa nga neibhah nga krehkaam oo kamni.”
Hawa kylli lada ka Congress daw ya tylli ko hawa yaleh ka ya 2023 Election, u Dr. Mukul da jubab u deiwa ong, “Itæ toh i phang kylli wa chongdor chi Million Dollar.”
U Dr. Mukul da ong u wa iwa klam u ini wa dep wa ym em yatylli ki jaitbru bru toh i klam kyllum lang wei ym em mut u du ya ka Congress Party.
“Ong hi oo wa jia i du ha ka Congress Party. Iwa ong O toh deiwa kheiñIang wei iwa da yoo O kam u bru paidbah da boon snem,” da ong u Dr. Mukul.
Da ong u wa waroh da rem ki hawa pyrchang wow pynyatylli kam ki jaitbru ka Meghalaya khlem sñiaw yaphær kiwon ki jaitbru.
Ynne won ka sngi ha ka yalang wa chimkti u Vincent Pala kam u President ka President ka Meghalaya Pradesh Congress Committee ha Shillong, u Dr. Mukul sa chisien ym em wan u.
