15 49.0138 8.38624 1 0 4000 1 https://wyrta.com 300 0

Khut Audition neibynta ka phlim wa thymme u Daniel Nongrum ka Inspector Haban

1 Comment
Advertisement ad1

Shillong: U Daniel Nongrum, uwi na kiwa chna kamjooh uwa ak phlim wa pawnaam ka jylla, da pynbna u wa daw pynmih u yaka phlim thymme kawa tip pyrtuid kam ka Inspector Haban wei daw pynman Audition neibynta ki wow embynta ha kani ka phlim.

Ya kani ka Audition daw pynman ha ka 7 tarik u Kmaichonglad (Dec) 2019 ha Khasi National Dorbar Hall, Mawkhar nadooh 10:00 waje i step.

Ya kani ka phlim daw pynmih da ka Rozia Nongrum Films Production deilang waka Daniel Nongrum Films, ka Shipara Phlim Entertainment wa ka Namphang Arts Entertainment.

Kiwa kwah wow wan chimbynta ha ka Audition toh u man ki kiwa em 18 snem chaneiñ, neibynta ka Supporting Actor wa Actress, neibynta u Actor u wow man kam u bru wa sih toh u man u 35 snem chaneiñ wei kamjooh ya ki wow Act kam ki bei wa ki pa, katwa ya ki khynnah kynthai wa chynrang toh u em ki 8 snem hadooh 14 snem.

Ya kani ka phlim u chna ha i lut kawa T. 15 lak wei daw lai riñ yaka ha kylleiñ ka ri Khasi Jaiñtia wei kamjooh ha ri-loom Garo.

U Inspector Haban toh u wow Act da u Daniel Nongrum kawa man leh ka phlim kawa 5 yong oo.

Neiliang u Daniel Nongrum da booh u yei kyrpaad yaka sorkar jylla wow yarap lang ya kiwa chna phlim deiwa booh ya ka Cinema Hall, du neibynta ki phlim Khasi, neidaw wa ka kaam chna phlim man ko kam ka laad wa yoh kaam yoh jam ya kiwa boon ki khynroo khyllood.

1 Comment

  • November 27, 2019 at 1:54 am
    Anamika warjri

    Sir…plz I need to act as a mother role

    Reply

Leave a Reply