Jowai: U State General Secretary ka BJP Meghalaya Pradesh u Bashailang Khongwir da thoh u cha u Amit Shah uwa man leh u National President ka Bharatiya Janata Party yow pyntip cha oo ya i sñiaw ki paidbah hajrong i pyrchang ka sorkar wow pynman aiñ yaka CAB hapoh ka Meghalaya deiwa pynlait ya ki jylla kam ka Mizoram, Nagaland waka Arunachal Pradesh neidaw wa ki em ki yaka Inner Line Permit wei ini ym man ko ka khubor wa bha neiliang ka Party wei daw tympra ko ya ki khian paaid ka thaaiñ mihsngi.
Da ong u leh wa ki jaitbru wa em haka jylla Meghalaya ym em yaphær ki na kiwa na Nagaland, Arunachal Pradesh waka Mizoram hei ku haka roi ka paar yong ki wei ka Meghalaya leh emkaam ko yaka yada wei lada booh yaka Meghalaya wa kiwi ki jylla kiwa heh hapoh ka ri heiwa ka CAB u man ko kawa myntoi ym em man ko kam i mynsien krehkaam ka BJP kawa klam che kawa ym yooh beiñ yei hok ki jaitbru wa khian paaid.
Heijooh i por da yaroh u leh yaka Act East Policy ka sorkar kawa daw wanrah yaka roi ka paar ya ka thaaiñ mihsngi waroh kawi.
Discussion about this post