theme-sticky-logo-alt
theme-logo-alt
Advertisement ad1
Advertisement ad1

Khut ka Hill’s Farmer Union ya ki warep ka West Jaiñtia Hills cha ka yalang paidbah ha Shillong

Advertisement ad1
Advertisement ad1
Advertisement ad1

Ka Hill’s Farmer Union, West Jaiñtia Hills District da khut sñiawbha wei kyrpaad ko ya waroh ki warep yong ka District kiwa kynthup na waroh le tylli ki Block (Thadlaskein, Amlarem wa Laskein) wow ya lai lang cha ka yalang paidbah yong ki warep kawa wow man ha kani ka 13 tarik ha Madan Malki, Shillong kawa daw sdang nadooh 10:30 i step wei da man ko leh ka sngi yong ki warep ha waroh kawi ka jylla yow yachem wei wow pyrkhat yei eh wa da maad da ki warep.

Ki phang wa ka Hill’s Farmer Union West Jaiñtia Hills Unit wa em ko wow pynsñiaw cha ka sorkar Meghalaya lyngba kani ka yalang paidbah toh wow pynbiang yei emkaam yong ki warep kam ki symbe, i sboh, i pynpoi um cha ki thaw rep, i pynbiang ya ka yaw ka haat yow pynsuk ya ki warep, i pyndooh ya i ah kilo ha yaw ha haat, i pynkhlan ya ka chnat ri mrad kam hei ri sñiang, syiar, masi, dakha wa kiwi. I pynboon ya ki Scientist wa toh u pait ya ka rep ka riang yow lait nei baam dooh ki khñiang ya iwa da thung, i pynbiang ya ki sarok wa ki luti syngkieñ cha ki thaw rep wei wow pynsmat ya ki laad yarap cha ki warep hawa chah ktah ha ki bor ka rymaw wa kiwi kiwi de.

Advertisement ad1

Kamtæ ka seiñ lyngba kani ka kyrwoh na u Mutshwa Thabah, President HFU-WJH da kyrpaad ya phi waroh ki warep wow pynlait por khnang yow wan khlem pep cha kani ka yalang, khnang wa ki dawa ka seiñ wa da booh u man ki kiwa mih soh smih sla.

I chimkhia lang yong phi waroh daw wanrah yei myntoi ya ki warep ha ka jylla waroh kawi, pynkut ka kyrwoh.

Share this:
Previous

Ka MSPCB da yoo lakam wa e por ko ya ki Coke Plant wow murieh yei pap ki: NGT

Next

I sñiawngooh na ka yung ka Men Miknis Phawa