Khut ka Kyrmen Foundation wa ka Rangdajied United FC ya ki khynnah chynrang wa kynthai ka East Jaiñtia cha ka Trial ka Kynsai Football Coaching

Ka Kyrmen Foundation wa ka Rangdajied United Football Club (RUFC) da wanrah biang ki ya ka Season kawa ar yong ka Kynsai Football Coaching Program kawa neibynta ki chynrang wa ki kynthai kiwa na East Jaiñtia Hills District.

I rta kiwa kwah u chimbynta ki chynrang toh Under-13, Under-15 wa Under-17. Ki kynthai won Under-13 wa Under-18.

Kiwa chah jied daw yoh myntoi ki da ka Free Training kawa chi snem na ki Coach yong ka RUFC, daw yoh ki leh ya ki Training Equipment, ki Jersey, ki Shorts, T-Shirt wa ki Tracksuit.

Hadien wa pyndep ya ka Training daw ye ki leh u chah jied cha ka RUFC Elite Youth Team kamjooh leh wow ya chimbynta ha ki Youth League iwa chong hei biang i yalehke yong ki.

Ka Registration u sdang ko nadooh 18 tarik hadooh 25 tarik u March 2026.

Related posts

Wan wai pyrda u Ardent Basaiawmoit ya ka Annual Sports Meet ha Mustem

April 8, 2026

Boon kiwa yalehbol na West wa East Jaiñtia kiwa kyrriah cha kiwi ki Club hapoh ka MFA

April 8, 2026

Ka Trial u pynman ha ka 27 tarik u March neibynta ki chynrang Under-13 wa ki Under-15.

Ha ka 28 tarik won ya ki chynrang Under-17 kamjooh leh ya ki kynthai Under-13 wa Under-18.

Ha kini ki ar sng, ka Trial u sdang ko heipor 8:30 i step ha madan ka EJDSA Football Ground Diengshynrum.

Ya ki Forms ye u yoh na ka Office yong ka Kyrmen Foundation wa em ha Lad Rymbai Dongwah, hajan ka yunmane ka Balang.

Lada emkaam wow tip iwon iwon ye wow Phone ha kini ki Number:7005669548,8787796409.

I pyntip na ka Secretary yong ka Kyrmen Foundation wa u Eugeneson Lyngdoh, President ka RUFC.