theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Khut ka KYWM wow wan cha ka e sikai pynklla sboh yei jhep

Hajrong ka yurim wow thoohlaad yow nang pynkhlan yei lehkhooid ya ka um, i dwar i p’chem, i khloo i kpær, ki hali yow yoh ya ka la’er kawa pynchait pynkhlan hei manbru longbru iwa da jooh sikai jooh pynmylien ha i ki jaitbru Pnar, ha Jowai khamtam ha Ri-loom Jaiñtia ya ka wah Myntdu ka tawiar ka takan ka beirymaw kawa psa um, ka la’er, ka khyndaw yurim kawa skhem, ka bordiñ wa e i che wa ka thaw wa yaar.

Ka Khooid Ya Ka Wah Myntdu (KYWM) kyrpaad ko ya phi ki Waheh Chnong kiwa yalam chnong, kiwa yalam yong ki seiñ kynthai ha ki dorbar chnong, ki Balang, ki seiñ niam, ki seiñbhalang, ki manbei, ki khynroo ki khyllood kiwa em i sñiaw yow nang pynim, yow chngaaiñ i manbru wa ka pateiñ kawa daw heh, wa u sñiawbha u wan ya chimbynta lang ha katai ka yalang paidbah ha ka 18-03-2022 heipor 1:00 waje i sngi thij ha yung ka dorbar chnong ka Lion Mission Compound, Jowai.

Advertisement ad1
Advertisement ad1
Advertisement ad1

Ha kani ka dorbar daw yoh ya i e sikai kammon u pynkylla khyndaw sboh, pynkylla baam sniang ya i jhep wa daw pyut, kamjooh i klam hajrong ka phang na u Dr. H.H. Mohrmen uwi na ki waheh uwa em i kitkhlieh yow bha i miat ka chnong ka dong, heijooh i por neiliang ka SURE daw e sikai ko kammon u pynkylla khyndaw sboh ya i jhep. Neitæ wa i klam na kiwa yahkhmat ki seiñ kynthai hajrong katai ka phang.

Kamtæ, kamwa man ha kini ki sngi da yoo wa da taroi da sma da tung ka chnong ka dong, ha kawa i por da dawa bha ko ya kawi pa uwi kiwa chong chnong wow mih chakhmat iwa lada ym ye i u leh bha myntu, ka mynstep ym tip kammon de u man ko. Kamtæ ka yarap kylliang, ka ya chaan kylliang para i, chirup ye hi i u lehbha, khamtam i kiwa chong chnong tawiar ka wah Myntdu.

Advertisement ad1
Share this:
Previous

Daw pynman ka WJACA ya ka Trekking ha chilynter ka Wah Myntdu

Next

Du 12 ngut ki Inspector kynthai wa em hapoh ka jylla