theme-sticky-logo-alt
theme-logo-alt

Du 12 ngut ki Inspector kynthai wa em hapoh ka jylla

U Montri wa pait ya ki Kaam Pohyung ha ka jylla, u Lahkmen Rymbui hapoh ka yung dorbar da pyntip u ynne ka sngi wa ka jylla em ko du 12 ngut ki Inspector kynthai.

Neiliang ka MLA ka East Shillong, ka Ampareen Lyngdoh da ong ko wa du 12 ngut ki Inspector kynthai ym toh iwa da biang heiwa u Lahkmen da jubab u wa da man ki kiwa da dap u em heiwa ka Ampareen da ong ko kam ki kynthai lada kha khon ki daw hap ki wow chim chuti 6 bnai.

U Lahkmen da pyntip won u wa najrong ki 12 ngut da em leh 92 ngut ki Sub-Inspector.

U MLA ka Nongpoh, u Mayralborn Syiem won da ong u wa dang duna bha ki pulit ha ki Women Police Station hawa ki kaam pyrchah ya ki kynthai wa ki khynnah dang ku ki katwa dang mih ki sngi heiwa ha Ri-Bhoi District samen da em hadooh 86 tylli ki Case du hapoh chi snem.

Hachwa ini, u Montri da pyntip u wa ha u Naikhynde 2018, ka sorkar Meghalaya da mynjur ko wow booh 11 tylli ki Women Police Station ha ki 11 tylli ki District ka jylla kiwa da krehkaam lait noh hapoh Eastern West Khasi Hills District.

Share this:
Previous

Khut ka KYWM wow wan cha ka e sikai pynklla sboh yei jhep

Next

Psiah Quarter Final saka LRW FC ha Wahiajer