theme-sticky-logo-alt
theme-logo-alt
Advertisement ad1
Advertisement ad1

Khut ka KYWM wow yawan cha ka dorbar paidbah neibynta ka Wah Myntdu

Advertisement ad1

Ka Khooid Yaka Wah Myntdu (KYWM), ka seiñ kawa thrang yow pyneh, pynbha, pynmiat chooh chooh ya ka tawiar ka Wah Myntdu, kawa man ka wah kawa da e um, ka la-ær, i khyndaw, i thaw wa i bordiñ. Kamtæ, nadooh kini ki sngi ki bnai wada lai hadooh ynne ka sngi, kiwa kitkaam chirup wa ki dkhot ka EC ka seiñ, da yaleh ki katwa ye i bor i buit yong ki, yow pynsñiawthooh, u yaklam, u yakreh da ki kaam heiyatoh yow yoh ya iwa thrang i yong kiwa chong chnong, yow imlang yow chngaaiñ lang ki manbru longbru ka yong i chirup wa ka Wah Myntdu.

Kitai ki kaam wada yakreh, da khana wyrta ki lyngba ki laad pathai khubor. “Katda kamtæ, katkam wa man hadooh ynne ka sngi, ha tawiar yong ka Wah Myntdu, boi da yoo da chynna hi phi, sñiawthooh phi wa ka kaam da dawa bha ko ya uwi pa kawi kiwa chong chnong, wow sñiawbha phi u pynlait chynnam yei por i yong phi yow wan ya chimbynta waroh ha ka dorbar paidbah kawa daw man ha ka 04-12-2021 heipor 12:30 chariñ sngi ha yung dorbar ka Lion Mission Dorbar Chnong”.

Advertisement ad1

“Ha kani ka dorbar daw yaklam bniah bha i, yow ya chimbynta lang i chirup ya ka rai wa kammon u ya im ha ka mynstep, ka mynried chirup wa ka Wah Myntdu. Kyrpaad i ya phi wow sñiawbha u yarap u yakhut, u yahlang wa ki para wa chong chnong cha kani ka Dorbar”.

Ka wyrta na u D.N. Suchiang, General Secretary wa u Khroo L Pariat, President.

Share this:
Previous

Psiah ka Meghalaya cha ka National Championship deiwa jop ya ka Arunachal

Next

U-19 Cooch Behar Trophy: Rem ka Meghalaya ha ka Manipur