Ka Meghalaya da rem ko ha ka Manipur da 125 Run ha ka U-19 Cooch Behar Trophy ha Bhubaneshwar ynne hanla u Captain Kevin Christopher da yoh u ya ka spah Run.
Deiwa pteiñ da 52 Run, deiwa yoh ka Meghalaya da 123/6, u Christopher da leh u katwa ye u yow pynpoi cha ka 312 yow jop.
Deilang wa u Christopher da em u Manish Sharma, uwa da neh 40 bol katwa u Christopher da dat u 13 tylli ki 4 Run wa 3 tylli ki 6 Run yow yoh 102 Run na 137 bol.
Hadien wa haap u Sharma, ka Meghalaya da dooh ko ya u PM Santhosh neidaw wa mynsoo u, uwa da yoh 71 Run ha ka Innings wa nyngkong.
Hawa kut, ka Meghalaya da ye ko wow kamai 186/9 deiwa haap khaddooh u Christopher kawa man leh ka sngi wa khaddooh ynne.
Ka Meghalaya kattu daw yachem ko waka Sikkim ha ka 6 tarik.
