Shillong: Ka CoMSO kam chibynta wow krehlang wa ka NEFIP hajrong ka rai wow pyrchah yei thmu ka sorkar NDA wow wanrah biang ya ka CAB ha kani ka dorbar tlang ka Parliament wow pynman aiñ ya ka, da pynkhreh ki wow pynman yaka yakhih haka 18 wa 19 tarik.
Kamtæ ha ka 18 wa 19 tarik uni u bnai, ka CoMSO daw pynman ko ya ka “Stay off the Road Peaceful Protest” heiwa da kyntu ya ki paidbah wym toh u em ki cha lait, cha sarok ha i por wa da booh, itæ nadooh 7:00 i miet ka 18 tarik hadooh 6:00 i step ka 19 tarik.
Ini i yakhih daw sdang biang i ha ka 19 tarik nadooh 7:00 waje i miet hadooh ka 6:00 waje i step ka 20 tarik.
I thmu wow pynman ya kani ka yakhih toh wow pyrchah ya ka sorkar India wa kam ka jylla wa ka jaitbru yei thmu wow pynman aiñ ya ka CAB.
Neiliang ka CoMSO da kyntu ko ya waroh wow krehlang wa ka ha ini i pyrchah khnang wow man i iwa jop.
Discussion about this post