Kam chibynta wow pynyoo wei wow lehkmen yei mahajon ka riti dustur ka jylla Meghalaya, neiliang ka Seng Khasi Kmie Mawkhar Shillong, da lai khut sñiawbha ko ya u Lat ka jylla wow embynta lang ha ka lehkmen Shad Suk Mynsiem kawa daw pynman ha ka 10 tarik u bnai wow wan ha madan Weiking, Shillong.
Neiliang u General Secretary ka seiñ, u Hainess Marbaniang ynne da lai yachem u wa u Lat ka jylla u Phagu Chauhan yow khut ya oo deiwa e kti ya ka chithi khut sñiawbha.
Ha katai ka sngi da pynkhreh kyrpang wow man ko kawa phooh wa phieñ kawa man leh ka sngi wa kyrpang ha Meghalaya kawa da angnood da kiwa chong chnong wei deiwa emlang u Lat daw man ko kawa sahkynmoo ya waroh kiwa embynta lang.
Heijooh i por, u Sri Sri Janardhan Das Ji Maharaj naka Society for Krishna Consciousness (ISKCON) Temple wa em ha Guwahati leh da lai yachem u ya u Lat yow lehkmen ya ka Ram Navami.
