Jowai: Ka yung krehkaam u Deputy Commissioner, West Jaiñtia Hills District, Jowai deiwa ya krehlang wa u District Sports Officer ka West Jaiñtia Hills District da pynbna ki wa daw pynman yaka Meghalaya Day Run 2020 neibynta ki kynthai wa chynrang (Open Category).
Kani ka Meghalaya Run 2020 ka wow pynman haka 21 tarik uni u bnai heipor 6 waje i step, u kaweh lama yaka na i thaw sdang ha Kiang Nangbah Sadium ka wow lai na Ladthadlaboh Main Road-Kiang Nangbah College-Bypass-Myntdu Bridge-Amlarem Bypass-Stand War-DC Office-New Hill-Ladthadlaboh wei u pynkut biang ha Kiang Nangbah Stadium.
Kamtæ da khut sñiawbha ya kiwa kwah u chimbynta heiwa yaw kiwa yoh nyngkong daw yoh ki yaka song poisa wa T. 7000, wa ar T. 5000 wa le T. 3000 wei daw e kyrpang leh ya kiwa chimbynta wa khian rta dooh wa kiwa heh rta dooh.
Discussion about this post