Shillong: U MLA ka KHANM na North Shillong, u Adelbert Nongrum da khut u ya ki paidbah wym toh u ya chimbynta ha ka lehkmen dap 50 snem ka jylla Meghalaya lada ym em i kylla.
Da ong u wa kam kiwa chong chnong ka jylla ym toh u hun du wow yoh lehkmen lyngkhooh snem, neibhah kamwa man kattæ, kawi ka sorkar hadien kawi ym pu em i mon wow leh iyi iyi neiynta ka mynried yong kiwa wan hadien, wei kamwa yoo katni wa kiwa mihkhmat wa ka sorkar ym em ki yei mon wow kreh lait na i myntoi yong samen samen, wei deiwa pyrkhat bait ya ka Election wow wan.
Da ong u wa kam ka jylla da sñiaw sarom wa hadooh katni ym em pood u ang uwa biang wa ka jylla Assam, deiwa pynrap wa ym em chaniah de yei yaklam hapyrdi ki arliang ki Montri Rangbah næ ki Chief Secretary, neibhah kamwa man kattæ ka Assam ym burom de ko yaka ‘Status Quo’ wa kiwa yahkhmat ym em dei ki yei kut yumut wow chimkhia ya i eh yong ka jylla. Da ong leh wa ka jylla hadooh katni ym em kam kitæ ki Hospital wa ki Medical College kiwa biang, wei ha ka puræ puthi leh ym pu em yaka University ka yong i hi.
