Khut u Conrad ya ka yalang wa nyngkong ki montri ka sorkar MDA

Shillong: Ka yalang ka dhab ki montri wa thymme ka sorkar Meghalaya Democratic Alliance (MDA) wa yahkhmat da ka NPP da chong yalang ko ynne yeiwa da khlieh da u Montri Rangbah ka jylla u Conrad K Sangma.

Ha kani ka yalang da yaklam hajrong ki kattu katni ki phang wei wow pyntipmit ya ki montri wa ki sahep sorkar.

Hadien wa kut ka yalang u Conrad da ong u wa ha kani ka yalang da wan waroh ki montri heiwa u Chief Secretary da batai u yei man i long ki kaam waphær waphær hapoh ka jylla.

Da ong u leh wa ympu dep u puræ bniah ya kiwa boon ki scheme næ ki project yong ka sorkar neibhah wa dang chimkti ya ka kaam dang 48 kynta kam u montri rangbah ka jylla.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u wa da boonkaam wow pynkhreh ya ka mang poisa ka jylla heiwa da ong u leh wa ka Common Minimum Programme yong ka sorkar Meghalaya Democratic Alliance (MDA) daw chna hadien wa chong waroh ki seiñ saiñ pyrthai ka sorkar.

Heiyatoh wa ki montri wa ki tnat wow ksoh ki, da ong u Conrad wa da phah cha u Lat ka jylla wow pdiang u ya ki waroh wei daw pyntip noh yeini wut wut.

Katkam ka yutip ka tnat kaam pohyung næ ka Home u pait da u James Sangma katwa u Prestone Tynsong da yoh u ya ka tnat PWD (Roads), u AL Hek ye u yoh ya ka tnat Health wa I&PR, ka tnat PHE ye ko u lai cha u Samlin Malngiang, ka Urban Affairs cha u Hamlet Dohling, ka Sports & Youth Affairs cha u Banteidor Lyngdoh wa kiwi kiwi.

Kani ha wah toh kawa ym pu ye u pyntikna.