U Montri Rangbah ka jylla, u Conrad K Sangma da pyntip u wa ka sorkar jylla dang wa ki dwar ko yow yaklam yasuk waka Hynniewtrep National Liberation Council (HNLC) deilang waka sorkar pyrdi.
Da khana u leh wa da sdang u kyllaiñ i yaklam heiyatoh wow maap ya waroh ki dkhot ka HNLC kiwa da chah pynngat mukotduma wei da em leh ki kaam wa leh pyrchah aiñ kiwa rap eh wa leh ki.
Kamtæ da ong u wa hap u pait kawi hadien kawi ka mukotduma wei em leh kiwa da chah pynngat hapoh ki kyndon wa khor tangwa ini ymtoh iwa ye u ong wa ye u pyndam ya waroh ki mukotduma.
Chooh chooh da pynche u wa da em ki kyndon wa da booh hawa yaklam kam ini wei lada ka sorkar pynkylla kyrpang ko ya kawi ka seiñ daw man ko iwa eh wow man salonsar hawa yaklam yasuk wa kiwi ki seiñ, wei da pynrap u leh ym ye u pynkylla ya ki kyndon hawa yaklam yasuk.
“Waroh ki kyndon wa da booh neibynta kiwi ki seiñ, kini ki jooh ki kyndon da booh hawa yaklam yasuk waka HNLC,” da ong u Conrad.
Kam wow pynkynmoo wa ka HHNLC da mih noh ko nei yaklam yasuk hadien wym ye ka sorkar wow pynhun yeiwa dawa ki.
Discussion about this post