U Union DoNER Minister of State u Dr. Jitendra Singh da khut yaka sorkar ka UK kamjooh ki bru samen wow wan seiñ khih ha ka thaaiñ North East ka India. Ya ini da ong u haka yalang wa pynman lyngba ka Internet namo ka Virtual Meeting wa ki sahep ka British High Commission, deiwa ong leh wa ka India waka UK toh kiwa da yatoh lok bha ha ka khayi pateiñ wei toh u yakrehlang yow chim yaki kabu wa thymme wa em haka thaaiñ North East. Da ong u leh wa hadien wa kut u COVID-19 ka khayi ka pteiñ daw kylla ko wei boon daw kyruiñ ki leh cha ka North East wei ini daw pynmyntoi lang ko yaka UK waka India.
Ki sahep ka UK da ong ki leh wa da ka-it bha ki yaki tiar wa chna da ki bru kani ka thaaiñ kamjooh ya ki soh, ki jhoor ka thaaiñ wei kwah ki leh wow pynpawnaam yaki wei wow dai ya ki hapoh ka pyrthai kamwa da leh haka jylla Haryana.
U Dr. Jitendra Singh da yaklam u leh wow pynku yaka puræ yow sikai yaka Science wa Mathematics ha waroh ki 8 tylli ki jylla wei daw ya soi leh yaka soskular waka North Eastern Council.
U Dr. Jitendra Singh da ong u leh wa ha kini ki 6 snem ka thaaiñ North East da ku bha ko neiwa chah ieh ki nachwa deiwa pynbiang yaki sarok, ki luti rel kamjooh iwa ye ki lieñsuiñ wow lai luti. Wei ka kaam khayi ya ki soh ki pe, sla cha, ki chken ki siej, i ri sniang, u chirmit wa kiwi kiwi leh toh kiwa em boon ki laad wow khayi ya ki. Da khana u leh wa hadooh katwon wa ye ka thaaiñ North East wow kdoh u khoom yei poor u COVID-19 wei daw man ko leh kam ka thaw khayi waka thaw uiñke suwari wa pawnaam manda kut ka khlam COVID-19.
