Khut u Lahkmen ya ki heh BSF yow yaklam yeiwa jia ya u Doctor sorkar ha Lakroh

U MLA ka Amlarem, u Lahkmen Rymbui ynnin da khut u ya ki heh BSF kamjooh ki pulit ka jylla yow yaklam ya iwa da jia ya uwi u Doctor ka chnat Animal Husbandry & Veterinary ha thaaiñ Muktapur-Lakroh.

Ha kani ka yalang da chim yaka rai wa ki pulit deilang wa ki BSF u takit ki ya ini wa jia wei wow pyntikna ki wa ym chah pyndik kiwa chong chnong ka thaaiñ khappood.

Kam wow kdaw heini ka UDP leh da pynrem ko yeini wa jia ya uni u Doctor ka chnat sorkar ha kti ki BSF kiwa da leh embor ya oo deiwa pynbaad wa man u kam uwa khayi tooh wei da phah pynlooid sula, da phah paan maap deiwa ngooh na kjat wei da maham ki leh wa taan oo cha Zero Point yow siat ya oo.

Ka UDP da ong ko leh wa u thoh ko cha u Director General ka BSF wa cha ka BSF Vigilance Department.