15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Khut u Prestone ya ki dkhot ka HNLC wow bood ya ka nongmuna u GS warim ka seiñ

0 Comments

Shillong: U symbood montri rangbah u Prestone Tynsong da khut u ya ki dkhot ka HNLC kiwa dang em cha Bangladesh wow bood ya ka nongmuna u General Secretary warim yong ka u Cheristerfield Thangkhiew uwa da wan uiñ biang cha ka imlang sahlang.

Hawa yaklam wa kiwa thoh khubor ynne ka sngi, u Tynsong da ong u wa ka dwar ka sorkar wai ko ya ki dkhot ka HNLC wow wan uiñ noh ki.

Advertisement ad1

Hawa kylli won kammon u leh ka sorkar ya ki kaam pyrchah aiñ ka HNLC, da jubab u deiwa ong wa ka aiñ daw lai ko i yong ka hi i luti.

Hawa kylli won yei kam ka HNLC wa pynyap ko ya u Romeo Lyngdoh deiwa ong toh uwa krehlang wa ki pulit wow pyntip ya ki kaam ka HNLC, u Prestone da ong u wa ym ye u ong iyi iyi leh. Tangwa iwa jia toh iwa sñiawsih ya kiwa ha yung ha sem yong uwa khlaad.

U Romeo da chah siat yap u ha ki ar ngut ki dkhot ka HNLC ha chnong Lapalang wa em hajan Pynursla haka miet ka 12 tarik uni u bnai.

Previous
Next

0 Comments

Leave a Reply