Khyrngiat ka BJP Meghalaya yei klam u President ka NPP heiyatoh wa ka GHADC

Ka BJP Meghalaya Pradesh da khyrngiat wei da phylla ko yei klam u President ka NPP wa ymsuk u yei man i long ha GHADC uwa da pynbaad leh wa yoo lakam wa ka BJP thiah lang ko ha ka jooh ka palong wa ka Congress, hajrong ini ka BJP Meghalaya da ong ko wa u President ka NPP mylliñ u wa ki dkhot ka NPP man ki lakam i kiad warim hapoh u klong wa thymme.

U President ka BJP-Meghalaya, u Ernest Mawrie da ong u wa ki MDC na kawon kawon ka seiñ ye ki u pynneh yei man i long yong ki hapoh ka Council wei lada em ki dkhot ki wym sñiawsuk yei man i long ka liang synchaar ye ki u man dkhot hanlada man won ki kiwa khian paaid, wei ye ki leh u lai cha ka liang wa kawa boon paaid hapoh ka Council.

Ka BJP da kam ko wa ym man ko kawa lung næ dang khian wow tympiah næ phiah suk ya ka lada hapoh ka jylla namo ha ka Council wei i kylla wan i manda ka Executive Committee chem ko i eh i khoo wa sakhiat lait na ki kaam wa yatoh wa i bakla i rukom krehkaam hapoh ka Council.

U Mawrie da ong u leh wa i thmu wow pynkylla ya ka EC khlem em bor toh i pynjrong ya ki kynrum kynram ha GHADC. I chukor ka EC toh iwa da tip che da ki paidbah ka thaaiñ wei emkaam u tip ki yeiwa jia.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025