Uwa yahkhmat ka liang pyrchah u Dr. Mukul Sangma da ong u wa ka sorkar kawa katni toh u kitkhlieh ko ya i long i man hapoh ka jylla heiwa ka da jied ko wow chimkhia ya kiwi ki kaam. Wei katni da man ko i kitkhlieh yong waroh wow ya wanlang yow yaklam kammon u leh yow pynlait ya ka jylla na iwa em ko katni.
Da khut u ya waroh nadooh kiwa em ha ka sorkar, ki seiñ wa em ha ka imlang sahlang yow chim ki yei bhah yong ki kam chibynta wow yarap ya ka jylla. Da ong u wa nadooh nachwa da dep ong u ya ini yow lait u sih chooh chooh ki kaam wa yatoh waka aiñ hapoh ka jylla, wa lada ym leh smat daw poi cha u pood wa daw eh wow pynbait ya iwa man hapoh ka jylla.
Da ong u wa iwa jia ha kini ki kajiak toh iwa da khuslai nadooh nachwa neibhah napoh napoh da sñiaw da tip kammon man wei da dep pyntip leh cha ka sorkar yow dawa khut yaka yalang ka State Security Commission wei ya ini da leh ym toh du wow pynbiej paidbah tangwa deiwa sñiawkhia sakhiat. Deiwa pynrap wa u Montri Rangbah toh u tip u palat yeiwa tip kiwi.
Da ong u wa i rukom man katni toh deiwa em hi-eh ka sorkar tangwa ym em won ka synchaar khadar. Deiwa ong u yoo phylla wow yoo wa kammon ka sorkar ka pynthylli chynnam ko deiwa ong wa ym tip de yi wa pait ya ki Kaam Pohyung lada da chimkti da u Montri Rangbah næ da e cha kiwi.
Kamtæ da ong u wa i kitkhlieh ya ki kaam toh u em i hakhmat dooh iwa pynyoo wa kani ka sorkar ym em ko yei kitkhlieh kawa da kyrriah na uwi cha uwi yow lait ki nei kaam wa toh u leh ki wei ini ym toh u ye u pdiang wei hap ki wow kitkhlieh ya waroh i jait nadooh i wym tip ki wa daw em iyi iyi wow jia yow ye u yada na i tympdung IED wei da khyrngiat ki du hadien wym tip de ki kammon u leh.
