U Symbood Montri Rangbah ka jylla uwa man leh u General Secretary ka NPP, u Sniawbhalang Dhar da kyntait u yei pynbaad u Vincent H Pala, President ka MPCC wa oo toh uwa e ktien ka RSS waka BJP.
Hawa klam ynne ka sngi, u Sniawbhalang da ong u wa oo toh u General Secretary ka NPP wei i pynbaad yong u Vincent Pala toh iwa bakla. Da ong u wa kam ka Party yakrehlang ki ha ka sorkar waka BJP neibynta ki kaam pynroi ka jylla, wei kam ka jylla kawa khian, ka Meghalaya ka emkaam ko yei kyrchaan ka sorkar pyrdi wei ym mut wa oo toh uwa e ktien ka BJP næ ka RSS.
Da ong u wa kam u bru jooh burom u ya u Vincent Pala kam u President ka MPCC tangwa hawa sñiaw yeiwa klam, da man ko iwa sñiaw khyrngiat wa kammon mih kam kini ki ktien kiwa da man kam ki ktien kaam ke, ki wym sñiawsuk wow ap.
Da kdaw u wa ka manyung yong oo wan ko na ka kaam khayi pateiñ kam ka Company chna sarok heiwa ka pyrthai da tip ko yeini. Wei i pynbaad baam tooh na ki drugs pyrchah aiñ toh kawa bakla wei sñiawsih wa mih kam kini ki kyntien na u bru wa da heh.
Heijooh i por, da ther u ya u Vincent wa hapoh i yahkhmat yong oo kam u President ka MPCC hadooh wa ki MLA, ki MDC da yut lut ki na ka Congress.
U Sniawbhalang da ong u wa hei yongsakhiat, toh u pyrkhat chwa u ya idæ neibhah wa mar ya chimkti u kam u President, da yut 12 ngut ki MLA na ka Congress wei ha ka Election 2023 ki MLA da psiah ki cha ka NPP, ini pynyoo ko wym ye u tang wow pait ya ka yung yong oo wei kattæ sa 3 ngut ki MLA da psiah ki cha ka NPP wei iyi wa bakla ha ka yung yong ka Congress.
Kamtæ da ong u wa i leh ka Congress wei i pynbaad ya ka NPP da ki kyntien wa khlem akor deiwa pynbaad khlem da ye wow sai ya ki sabut.
Discussion about this post