Ki ADC toh u yohbor ki kam ka Legislative Assembly khnang wa ki Bill u man aiñ ki: HS Shylla

Shillong: U Chief Executive Member (CEM) warim ka KHADC u Hispreachingson Shylla da ong u wa ki Autonomous District Councils (ADCs) toh u ya ryngkat ka rukom krehkaam yong ki khamtam wa ka yung dorbar chna aiñ ka sorkar jylla, khnang wa ym emkaam de u lai ki Bill lyngba ka sorkar jylla.

Hawa yaklam ynne ka sngi kawa da seiñ ya ka District Council wa da dap 65 snem ha Shillong, u Shylla da ong u wa emkaam wow pynkylla ya ka riti-synchaar ka ri wow pyntikna wa ki Bill wa pdiang ya ka council toh u yaryngkat wa kawa pdiang da ka sorkar jylla.

“Man i iwa sñiawsih wow yoo wa ka KHADC hanlada man ko kawa laitlooid tangwa dang chah bichaar ko ha ka sorkar” da ong u Shylla.

U Shylla da e yumut u wa emkaam wow pyndam non ya ka bynta yong ka Paragraph 3 ka Sixth Scheduled ka riti synchaar ka ri kawa ebor ya ki district council wow chna aiñ ki tangwa ini i laitlooid da ksoh da u lat ka jylla.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da ong u wa i pynlut por ki MDC wow yaklam wei wow chna aiñ man i iwa sepai neibhah ini chong i ha kti yong u lat ka jylla tangwa lada yoh kyrdan ko kam kawa da pdiang da ka sorkar u lat ymye u wow khang ya ka wei haap mynjur bait u ka.

Da ong u “Ki Bill ki District Council hadooh katni haap ki wow lai lyngba ka tnat District Council Affairs (DCA) ka sorkar jylla chwa wow lai ko cha u lat ka jylla wei ini man i i wym yahaap neibhah wa ki ADC man ki ki wym laitlooid na ka sorkar”.

Da ong u wa ka Bill wa pdiang da ka KHADC heipor wa man CEM u Hoping Stone Lyngdoh ha u snem 1980 dang sahteiñ ha miej ka sorkar hadooh kini ki sngi wei emkaam wow pynkylla noh ya ka riti synchaar khnang wow smat man aiñ iwa da pdiang ki ADC.

“Hadooh katni dang jop ka Autonomous District Council du chisien na ki 65 snem heiwa da yoh ya ka aiñ Rangbah Shnong kam ka Appointment and Succession of Chiefs and Headmen Act, 1959” da pynkut u Shylla.