Ki ar ngut ki kynthai kiwa da mynsoo joor hei chah tyrrah kari ha NEHU hei miet ka 17 tarik toh kiwa na Jaiñtia Hills.
Ka Stephanie Shadap toh kawa na Mowkyndeng, West Jaiñtia Hills katwa ka Daritngen Pohdukhei toh kawa na Borghat, East Jaiñtia Hills kiwa puræ Masters ha ka Chemistry Department ka NEHU.
Kini waroh ar da em ki ha ICU ka Nazareth Hospital, Shillong.
Neiliang u pa ka Stephanie, u Niwellstar Dhar da ong u wa ka da mynsoo joor ko hei bynta i khlieh wa u rdang wei da rap che yong bru ko wei ka toh kawa puræ M.Sc 1st Year ha ka Chemistry.
Ka Daritngen won toh kawa na mynsoo i khlieh wa i chrooh ko katkam wa pyntip u pasan ko wei ym pu tip yong bru ko wei ki bei ki pa ko toh ki warep wei ka toh kawa lai puræ M.Sc 1st Year ha ka Chemistry.
Ha iwi won i liang, ha North-Eastern Hill University (NEHU) ynne ka sngi da ujor ko ya ka First Information Report (FIR) wei da paan ko ya ka bui (Report) wa bñiah hajrong i yah kari khlemakor heiwa da mynsoo joor kini ki ar ngut.
Ha ka khubor wa da pynlait, ka skurbah da beiñ joor ko yei yah kari khlemakor iwa da wanrah yei mynsoo joor ki ar ngut wei da tyrwa ko i kyrchaan wa i yarap ya kini ki ar ngut wa kiwa ha-yung yong ki.
Chooh chooh da kyrpaad ya kiwa pathai khubor kamjooh ki paidbah wow Delete ya i Video yong ini iwa jia neibhah wa ktah i ya kiwa boon.
Heijooh i por ka University da kular ko yei krehlang wa ki pulit kamjooh ki thaw sumaar.
Discussion about this post