Ka Syeda Saiyidain Hameed, kawa man kawi na ki bru wa kreh monsñiawbha kawa da jooh man ka dkhot ka Planning Commission ha ka sorkar wa yahkhmat da ka Congress hapoh u Manmohan Singh kam u Prime Minister, da ong ko wa ki Bangladeshi em hok ki wow im ha India.
Da ong ko yeini heipor wa lai ko cha Assam hapyrdi i pyrchang ka sorkar u Himanta Biswa Sarma wow beh wei pynuiñ ya ki Bangladeshi na ka jylla.
Ka Syeda Hameed da lai ko cha Assam chirup wa u Prashant Bhushan, u Harsh Mandar, u Jawahar Sircar wa kiwi.
Hawa klam wa kiwa pathai khubor da ong ko wa i leh ka sorkar Assam da booh ko ya ki Muslim ha Assam hei langoh deiwa pynbaad wa ki toh ki Bangladeshi.
Da kylli ko leh iyi wa phær hawa man ki kam ki Bangladeshi? Ki Bangladeshi leh toh ki bru wei em hok ki wow im heini.
Chooh chooh ka Syeda Hameed da ong ko wa u Allah wa chna yei pyrthai wa ya ki bru, ymtoh ya ki ksuid, wei lada em u bru ha pyrthai wei wow beh ya oo man i kam ka Quamat (bichaar sngi wa khaddooh) ya ki Muslim.
Discussion about this post