15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ki bru ri-loom hap su Income Tax lada kreh ki cha ki thaw wym toh ki Scheduled Area

0 Comments

Shillong: Ka Press Information Bureau, Shillong ynnin ka sngi da pynman ki ya ka Workshop wa chi sngi neibynta ki Journalists, Vartalap ha Shillong Club deiwa ya krehlang waka Shillong Press Club heiwa u Chief Commissioner, Income Tax, Shillong u Ronmoy Das da wan u kam u kongsan hei emlang ki Journalist na kylleiñ ka EKH District.

U kongsan hei klam yong oo u da klam u chaphang i pysñiawthooh paidbah wa da pynman katni da ka Income Tax Department, North East Region (NER) heiyatoh i rukom su Income Tax ki paidbah kani ka thaaiñ.

Advertisement ad1

Da ong u wa em i sñiawthooh bakla wa waroh ki bru ri-loom (Tribal), ki Partnerships, LLPs, Company wa kiwi kiwi lait ki na i su Income Tax. Hei yong sakhiat da ong u wa ka poisa wa mih nei kreh ki bru ri-loom (Tribal) wa leh hapoh ki thaw Scheduled Area kam hapoh ka jylla Meghalaya wa haap hapoh ka Sixth Schedule lait ki na ka Income Tax. Chooh chooh da ong u wa du ka poisa wa pynmih du da ki bru ri-loom (Tribal) hapoh ki thaw Schedule Area lait ki na ka tangwa cha ki thaw wa ym toh ki Schedule Area ki bru ri-loom hap ki wow su ya ka Income Tax kamjooh ki Company wa kiwi kiwi wa chna ki.

U Allantry F Dkhar, uwa man kam u Political Adviser ya u montri rangbah ka jylla da yaroh u ya ka Press Information Bureau wa pynman ko ya kani ka jait Workshop yow pynsñiawthooh yei rukom krehkaam ki Policy wa ki Scheme ka sorkar. Da ong u wa kam kini ki pynsñiawthooh paidbah daw yarap ki ya ki paidbah wow lait ki wow artatien ya ka Income Tax. Da e buit u leh wow pynman ya ka pynsñiawthooh ha ki ktien wa sñiawthooh lang ki paidbah.

U Anil Bhardwaj, Addl. Commissioner, Income Tax, da e u ya i klam wa bniah heiyatoh waka Direct Taxation katkam ka Section 10(26) ka Income-tax Act kawa klam chaphang ki Tribal Area. Da khana u leh chaphang ki rukom su wa da khang kam wow pynemkaam da ka poisa kot kawa daw wanrah ya i daiñkuna wa joor bha. Neidaw wa ka thaaiñ mihsngi duna ko yei em ki Bank ki bru ye ki wow chah chimkabu wow su deiwa ye u chah pynchitom ki.

Da ong u leh wa ka Benami Transactions (Prohibition) Amendment Act, 2016 kawa booh kyndon ya kiwa su Tax wow yait ki na ini i jait kaam wei wow pyntip cha ki bor sorkar ya kiwa leh Benami.

Ha chwa wow kut da yohlaad kiwa thoh u khubor wow kylli yei wa ym sñiawthooh ki.

 

Previous
Next

0 Comments

Leave a Reply