15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Pynbna ka sorkar ya i por pyndooh bordiñ ha waroh kawi ka jylla

0 Comments

Jowai: I pyndooh bordiñ namo ka Load Shedding u sdang biang hapoh ka jylla ka wow sdang nadooh ynne ka sngi ka 21 tarik heiwa da pynbna ya ki por wa thymme heiwa da em ki thaw daw pyndooh bordiñ ar kynta chi sngi katwa kiwi ki thaw daw pyndooh chi kynta chi sngi.

Ha waroh ki ar tylli ki District ka ri-loom Jaiñtia (East wa West) daw pyndooh bordiñ nadooh 11:00 waje i step hadooh 01:00 waje i sngi.

Ha chwa ini, u MLA ka Jowai u Wailadmiki Shylla da thoh u cha u montri wa pait ya ka bordiñ u James Sangma wa i pyndooh bordiñ nadooh 03:00 waje i step hadooh 05:00 waje i step wa man ka sngi da ktah ko ya kiwa pynkhreh Exam SSLC wa HSSLC wa kiwi kiwi ki Exam neidaw kiwa boon sñiawsuk ki u khreh kot heipor step.

Kamtæ u Waliladmiki da kyntu u ya u montri wow pynkylla noh ya i por wa pyndooh bordiñ.

Ha ka chithi wa jubab u James Sangma da ong u wa ka MeECL nadooh ka 05-01-19 da hap biang ko wow leh ya ka Load Shedding neidaw waka NEEPCO da pynduna biang ko ya i bordiñ cha ka jylla neidaw waka MeECL ym pu em ye ko u su ya ka bai bordiñ cha ka NEEPCO kawa da poi T. 528 Klur.

Da ong leh ha ka chithi wa kamwa man katni ka MeECL chem chitom ko wow su ya ka bai bordiñ wei duna i bordiñ wa em kamtæ ym yohsa de wow pyndooh ya ka bordiñ wei dang thooh laad thooh luti wow su noh ya ka bai bordiñ wa dang sah.   

Previous
Next

0 Comments

Leave a Reply