U Montri ka chnat Civil Defence & Home Guards, u Comingone Ymbon ynne hapoh ka yung dorbar da e jubab u wa ki Home Guards man ko kam ka Voluntary Organization namo i kreh dei mon sñiawbha wei ym ye ki wow paan yow man ki kam kiwa kreh wa pura.
Da ong u leh wa hanla da kreh ki da boon snem leh ym ye ki wow ksoh yei kaam yong ki næ wow yoh ki yei kreh wa pura hapoh ka chnat.
Chooh chooh da pynche u wa ka chnat Civil Defence & Home Guards man ko du kam ka Nominating Agency wa thooh ya ki Volunteer manda em ki chnat wa emkaam ki wei da kreh ki katkam ki kyndon wa da booh wei da su leh katkam ka kyndon kani ka Nominating Agency.
Lada chah beh kreh, lada chah thung kreh wa kiwi kiwi de chong bait ko ha kani ka Requisitioning Agency.
Yeini da jubab u Montri yeiwa kylli u MLA ka Nongkrem, u Ardent M Basaiawmoit uwa da kylli iyi jia ya ki Home Guard Volunteers kiwa da kreh palat 10 snem da ka Contractual Basis.
Da kylli u leh wa ileh wym ye ko sorkar wow su yaka tulop ki heipor wa biang kamjooh yow yarap yeiwa eh ki neibhah hap ki wow kreh boon ki jait kaam.
U Comingone da ong u wa kani ka kreh man ko du kam ka kreh Volunteer wei da jied ya ki wow kreh toh du chipor donhi wei ka sorkar leh u yaleh ko katwa ye yow yarap ya ki.
U Ardent da kylli biang wa kani ka chnat kawa man kam kawa pynbiang bru cha kiwa boon ki chnat sorkar, ileh wym chimkhia ka sorkar.
U Comingone da ong u leh wa da em ka hukum ka Supreme Court kawa da ong wym ye u e kreh pura ya ki Home Guards.
U Montri Rangbah, u Conrad Sangma leh da yieñ u wow e jubab wa i kreh ymtoh iwa man-ka-sngi wei i rukom su leh toh dei nong sngi wei neibynta ka sngi wa kreh ki da yoh ki yei nong.
Chooh chooh da pynche u wa i pyslem i su toh wym em booh bhah ka poisa neibynta yong ki hapoh ka mang tangka, kamtæ da emkaam wow yoh bor naka chnat muna tangka wow pynlait yaka poisa neibhah em i por da khut kreh ya ki Home Guard wow pynlai kari boon ngut khlem da em chwa ka poisa wa da booh bhah neibynta yong ki.
Discussion about this post