Ki kaam chah tooh wa ki kaam chah thok na kylleiñ ka jylla

Jowai: Katkam wa pyntip ki pulit da ong wa u Dipesh Gurung, Channel Manager, SBI Administrative Office, Dhankheti, Shillong da ujor u wa heipor chiteiñ synyaaw ka 3 tarik uni u bnai ar ngut ki bru wa tip kam u Jefferson Chyrngap wa u Jerry George Shadap wa uwi u khynnah wa dang 16 snem da pynsih ki ya ka ATM wa em ha Mawlai Kynton Massar, Shillong.

Ka S. Vungngaih Ching na Lummarboh, Nongrah, Shillong da ujor ko wa ha ka 4 tarik uni u bnai heipor 11:14 i step da yoh phone ko na uwi u bru wa kam toh uwa kreh ka SBI Main Branch, Shillong uwa da kylli bniah chaphang ka ATM yong ka wei hadien da chem ko da chah pynemkaam ka ATM yong ka wow thied tiar wa chongdor T. 49,999 lyngba ka PAYTM.

Ha ka 3 tarik uni u bnai u Nanglamlin Rynjah da ujor u wa da em ki bru wa da pynsih ya ka SBI ATM wa em ha Nongrah, Shillong, hadooh wa da sih ko.

Ha 5 tarik uni u bnai u Tilar Langstang da ujor u wa da em ki bru wa psiah tooh cha i yung u ha Central Nongrim Hills wei da tooh ki T. 50,000.

Related posts

Chah kem uwa kylliang ya u QR Code ka Petrol Pump yow lai ka poisa cha oo

November 11, 2024

Chah slaitbor ka khynnah wa dang 10 snem ha West Jaiñtia Hills, chah kem uwa emkti

November 10, 2024

Ha kani ka jooh ka sngi heipor 10:30 i step ka Debmalya Bhattacharya kawa sah ha Lumshngain, Rynjah, Shillong da chah tooh ko na yung ko T. 1,35,000.

Ha ka chi tarik uni u bnai won da em wa tooh ya ka thuk thuk wa em ya u number ML-08C-2690 ka yong u Levingstone D Sangma na i thaw sah u wa em ha Chengapara, WGH.